HOE EUROPA ROEZEMOEST | Hans Mellendijk

Hoe Europa roezemoest

soundscape Europa (under construction)

rabarber, rabarbaro, rhubarb,

rhubarbe, Rhabarber, راوند,

ruibarbo, rabarber, ruibarbo,

rabarba, 大黄,  raparperi,

ревен, perebarbara, rabarbara,

ραβέντι, rubarbă, rebarbara,

rabarbo,ダイオウ属, rabarber,

rabarbar, ревень, raven,

ravent, ראַבאַרבער, rabarber.

AS IK VAL | Toedicht

Wekke 2 | dag 9 | Oyonnax

vlak veur mí-j
'n man of veer
ik d'r aover heer
eig'luk helemaol
neet zo oer
endig hard
met de kónt 
op 't asfalt
& 't schut 
dwars deur mien
lief, mien rug
kats van 't perceel

às ik val
is 't ok
altied raak

stil liggen =
is nòw mien
biotoop.

maor dan, jao
maor dan éuh

wi-j zeet ons
dan weer in 
de vuelta.


Krabbels op bedlaken geschreven, in blauwe inkt met 'n BIC. 
Gevonden in wasmand van ziekenhuis te Oyonnax, 
toegedicht aan Robert Gesink, 09-07-2017.


Gepubliceerd in De Moespot | 60e jaorgang no. 256 | december 2017

KALM AN CALMEJANE | Toedicht

28-07-2017 | Ria Gesink kiekt zoon Robert

Kalm an Calmejane

Wekke 2 | dag 8 | Dole - Station des Rousses

Veer kilometer veur de meet

krig e 't gat met den makker

net neet dichte

Mien jong mek gin misbruuk van ander

mans kamp met ellende. Kramp in

de bene. Mangs

roek ik, zie ik dat Robert ok

neet zo okselfris meer kan waen!

Calmejane.

Kalm maor an!

Zag i-j dat ok? Hie ontplofte

'n' betjen op de letste glooi

in de finale.

Eigenluk leep e achter de 

feiten an. Maor 'n tweede plek

ok lang neet gek

Maa'n nemt e 'n snipperdag

Post-it notities in Varsseveld gevonden,
in keuken van Ria Gesink,

toegedicht aan de moeder van Robert.

Tour de France 8ste etappe>

Gepubliceerd in De Moespot | 60ste jaorgang no. 255 | september 2017