Foto: Anefo / Winterbergen Nationaal ArchiefRuurlo, 9 november 1949
Googlend in Nationale Archieven
zoegt miene oge naor man dee met
bókse tiggen puntdraod ansteet,
wiezen naor waor 't raoden anvengt.
Op de foto met 'n kruus anegeven.
Niet wied weg van 't stro van Leve.
Drasseg lappe grond bi-j Van Heeckerenbekke.
Bekend terrein veur Drikus van de Stampert.
Met kónt in de botter van de Profiet.
De jacht zat 'm in 't blood bo wisse.
Verbannen uut 't velt van 't Wissche.
Den in zicht van lechbak toch 't laeven liet.
Raodsels nam e met, met de wind.
'k Heuren de vehalen as klein kind.
Onder taofel en 'n zwaoren sigarenlóch.
Luusteren neet naor enig gebód of wet.
Was daor nów grechtegheid an zet?
Aover 'n kearl dee eigenwiesheid zóch.
In de schemme van de lechbak kwam an 't lech
dat in 'n handgemeen zienen Henk was 'estorven.
Net veurdat e zelf ok uut de tied wier neer 'eleg.
D'n kearl dee in de oorlog zovölle luu had 'eborgen.
Drikus den zovölle jödden had 'eholpen.
Verkeerde tied, verkeerde oord.
De rechtvaardegheid vrömd verklaord.
En drók dat 't was in Varsseveld.
Veur Henk en Drikus de letste veren.
Op weg naor 't eeuwige jachtveld,
op twaalf novembernaomeddag,
het knallen van de jachtgeweren.
Jao, wat ha'j dan anders 'edach.
Wi-j zölt dee indianen leren!
Bron: ‘Tegendraads’
van Jan Braakman, Uitgeverij Fagus 2008
bókse tiggen puntdraod ansteet,
wiezen naor waor 't raoden anvengt.
Op de foto met 'n kruus anegeven.
Niet wied weg van 't stro van Leve.
Drasseg lappe grond bi-j Van Heeckerenbekke.
Bekend terrein veur Drikus van de Stampert.
Met kónt in de botter van de Profiet.
De jacht zat 'm in 't blood bo wisse.
Verbannen uut 't velt van 't Wissche.
Den in zicht van lechbak toch 't laeven liet.
Raodsels nam e met, met de wind.
'k Heuren de vehalen as klein kind.
Onder taofel en 'n zwaoren sigarenlóch.
Luusteren neet naor enig gebód of wet.
Was daor nów grechtegheid an zet?
Aover 'n kearl dee eigenwiesheid zóch.
In de schemme van de lechbak kwam an 't lech
dat in 'n handgemeen zienen Henk was 'estorven.
Net veurdat e zelf ok uut de tied wier neer 'eleg.
D'n kearl dee in de oorlog zovölle luu had 'eborgen.
Drikus den zovölle jödden had 'eholpen.
Verkeerde tied, verkeerde oord.
De rechtvaardegheid vrömd verklaord.
En drók dat 't was in Varsseveld.
Veur Henk en Drikus de letste veren.
Op weg naor 't eeuwige jachtveld,
op twaalf novembernaomeddag,
het knallen van de jachtgeweren.
Jao, wat ha'j dan anders 'edach.
Wi-j zölt dee indianen leren!
Bron: ‘Tegendraads’
van Jan Braakman, Uitgeverij Fagus 2008
gepubliceerd in De Moespot Nr. 223, 52e jaorgang, september 2009 | Trouw dicht in de buurt - bundel Gelderland - 8 februari 2010 | poëziepuntgl-jaargang 13-nummer 3-september 2015
Geen opmerkingen:
Een reactie posten