OLD GELUUD UUT 'T ZICHT VAN 'T OOR | Hans Mellendijk

Old geluud uut ’t zicht van ’t oor

De zicht, zjoew, zjoewt
geluudnaobootsend, in meiend 
zoezend ritme, vli-jt 't dale.

Tiep, tiek, tiek.
Kukentjens, tiekskens donzig gael
onder de kunstmoder rood 't lecht.

I-j roept: kies, kies, kies
de kalvere naor ow too.

Kiezemenneke, kiezemenneke.

'n Weerld van zoezen en wei-jen
brekt zich los uut de floribos.

Dichter bi-j de oersprong 
van de taal, kom i-j manges neet.

Gepubliceerd in De Moespot | 62e jaorgang no. 261 | meert 2019