27-07-2015

UP ROBERT | Toedicht

Café d'Olde Mölle | Varsseveld 

Wekke 3 

Dag 21 | 26-juli 2015 | Sèvres - Parijs


Het beste van wat 
nog kommen mot.
The best of the rest
zoas wi-j dat in
goed Nedersaksisch
meent te motten zeggen.

Volgen joar of 't joar d'rop
vief plaatsen doornopper
opschoeven. Dan stel
ik Wagendorp wel 
an as mentale knecht.

Want ik heur'n hem
hier via de tam tam
vanaf de Zwarte Cross
reeren: da'k nog tè
helder uut de ogen zol
kieken, da'k mi-j nog neet 
helemaol zol hebben egeven.

Ha, ha, ha, ....

'k Bun best wal trots
op disse zesde plek.
Héél speciaal nao
de strónt die'k heb met
emaakt.

Ha'k, da'k dit niveau 
zol halen niet direct
verwacht, dit aoverdacht
op 'n zóndagnòmmedag
in 'n wandeletappe
op weg naor Paries.
Met 'n engel opens op ziet,
kermisrondje Champs-Elysées.

't Beste mot nog kommen.


Op een LottoNL-Jumbo boodschappenbriefje geschreven notitie, door Arjan Schouten gevonden ergens in een berm tussen Parijs en Boxmeer.


23-07-2015

P'RIES LIGT ACHTER DE BARGEN LIGT PARIES | Toedicht



Wekke 3 | Dag 17 - 20 | de Alpen

Dag 17 | 22 juli 2007 | Digne les Bains - Pra Loup


'n Minuut toe an
Chris, Nairo
Alejandro
Vincenzo.

'n Minuut van
Alberto.

Veurletste klim
Col d'Allos
bi-j de beste vief.

Kon net jao neet met
Gin grote schande.

Moar toch van
7e naor 6e plek
Tja veurdeel; van Garderen.

D'r kan nog van alles 
Thomas helaas constant;
wil ok op 't schavot!

Vroaaaaaaaam
8 van  Chaaam
Ik kom d'raan!

Briefje in Pra-Loup langs de kant van de weg gevonden, toegedicht aan Robert Gesink.

Vanmaa'n a's 'n dief in de nacht.
Mathias Frank bi-jnao zeuven 
minuten dichterbi-j ekommen,

zag ik boavenop Pra Loup
met schrik in de bene.

Dat zint mi-j neet.
Nibali doar wist ik van.
Moar disse reuzen
spróng  ... eh? 

Ónze taciek hapert mangs
Net as maondag  toen nemens
metkwam in de grote vlóg.

Maor kom, achteruut kieken doe ik neet.

Naschrift op een blocnote, door Arjan Schouten gevonden onder een nachtkastje op één der slaapkamers van LottoNL-Jumbo, toegedicht aan Robert Gesink.




Dag 18 | 23 juli 2007 | Gap - St-Jean-de-Maurienne

Bargop Glandon 
weg van grote vief.

Vive mi-jzelf!

Barguil en Frank
kiest ok 't hazepad.

Bau kan neet met.

Dalend wier 'w terug epakt.
Moar 24 hoarspelden doornopper
he'k weer 't tempo bepaold.

Op kop rie'k mien eigen tempo
anders verlies ik energie
deur rem- en optrekkracht.

'n Betjen ruumte cadeau van Vroaaaam
toch moar 's vaker proberen
Contador hölt mi-j ok al uut de gaten.

Gin standje alles of niks
Ik kiek niet wieter dan 
de dag van margen.

Hoppen dat Thomas 't neet hölt.
Margen 'n finish op 1.700 m.
Nao 18 km klimmen.

Mien pakkie an.
La Toussuire
Hier! Ik kom d'ran!


E-mail op iPad in tourbus LottoNL-Jumbo onderschept; ge-iPhoned door Daan Hakkenberg, toegedicht aan Robert Gesink.



Dag 19 | 24 juli 2007 | St-Jean-de-Maurienne - La Toussuire

Iets aover mien theewater egaon
aardig gaar aover de meet
vanaf vertrek volle bak.

Ik zit 'r nog steeds goed bi-j.
Bi-j tweede klim ha'k reserves neudig
iets aover mien theewater hen egaon.

Steven Kruijswijk superman.

Vincenzo Nibali passeren, da's gin schande
Geraint Thomas bun'k nów veurbi-j.
Ik kiek uut naor bocht zeuven

Maor eerst 'n betjen slaopen.
Daor winne i-j de tour met
volgens de wet van Zoetemelk.

Onder kussen gevonden briefje, toegedicht aan Robert Gesink




Dag 20 | 24 juli 2007 | Mondane - Alpe d"Huez

't Mot neet gekker worden
daor in bocht Zeuven
Dit make wi-j zelfs
neet met op de 
meest onstumigste
Zwarte Cross.

Dranghekken mot d'r kommen.
Wieters wi'k d'r weineg 
aover kwiet.

Jao da'k vanaf 1e klim
mi-jzelf kats krang heb motten 
trekken. Steven hef mi-j
weer mooi eholpen.
      
      Steven superknecht.
 Langzaam gao'k naor de Filistijnen

Nao bocht Zeuven
blief ik op Zes.
Dat is echt top
Alle favo's
hebt de Tour uut ereden
neet etroffen deur selfie-
stick of in 't ravijn edonderd
of neer ekwakt op 'tasfalt.
Of toch betrapt op epo.

Zes manges prachteg ok.
Mooi veur LottoNL
hef ok 6 getallen!

Ik stao d'r net achter
hoeker is neet meugelek.

Ha, ha, ha, ...

Via telegraafsignalen opgevangen via wifi op theaterweide van Zwarte Cross, toegedicht aan Robert Gesink.

18-07-2015

P'RIES KUMP AL DICHTERBI-J | Toedicht



Wekke 2 | dag 13 - dag 16 | wieter doornopper; Cévennes, Ardéche, Drôme.

Dag 13 | 17 juli 2015 | Muret - Rodez

25 bidonnen
barstens goed knechtenwark
nog nooit zo warm ehad
Kan neet gezond waen.

13e in 13e etappe
Kan gin toeval waen

7e plek behollen
volle bak in beschermde rit.

Enne Kelderman mangs
uut de kreukels. Stark wark.

Kan mangs mooi wieterop
doornopper.

Opgerold geeltje gevonden in bidon met reclameopdruk van LottoNL-Jumbo langs de kant van de weg in een greppel te Rodez, toegedicht aan Robert Gesink.





Dag 14 | 18 juli 2015 | Rodez - Mende

Nao zo'n vief kilometer
klatsen ik op 'n stapelpartij

wat 'n spöl, wat 'n spektakel
20 minuten neudig um
in peloton terug te kommen.

Umdat de anderen better bunt
zo simpel is dat wat 'n spöl

vuul mi-j wieters prima
't maximale he'k
gebruukt en fris aover de 
finish, 'n mooie landing.

Bi-j mi-j gin pis
aover mien kop.

Podsammenan
wat 'n schande!
wat 'n spöl.
wat 'n gezeik.

Aantekening op landingsbaan van het vliegveld van Mende gekalkt, toegedicht aan Robert Gesink.


Dag 15 | 19 juli 2015 | Mende - Valences

't Begòn hard, oerend zol Bennie reeren.
100.000 demarrages nog 1 & 
nog 1 in de 1e, 2 uur. A'k  Thijs mag geleuven.
In menig darp zaten ze nog an 't brood
toe'w veurbi-j vlaogen. Ver veur 't schema!

Daornao kieken nao 'n 
carte postale virtuelle
Ardèche en de Drômes
Carte de Vacances Valences.

André Greipel grip de meet.
Löt net as in Amiens & 
Neeltje Jans óns zien konte zeen.

Da's 'n Hatrrick zol Guus zeggen.

Ikzelf veur 't eerst in disse tour
niet bi-j de 1e 30 renners.
Ene later podsammenan.

De merakelse reeks
ebrokken
Leider, jammer dan.

'n Kleinegheid hol i-j toch,
i-j könt neet alles hebben.

Sóh!

Op twee ansichtkaarten geschreven die in de Rhône dreven en in Valences zijn opgevist door Thijs Zonneveld, toegedicht aan Robert Gesink.

Dag 16 | 19 juli 2015 | Bourg de Péage - Gap 

Nibali onder de top van de Manse 
30 sec. op mi-j in elopen.

Deur stuurfout Berguil, Thomas 
in de graven. Ik zag 't gebeuren;
de één zien val gif de ander meer tied.

; - ).

Weer as 31-ste e-eindigd.

Mangs eerst moar's rösten.

Aovermargen in vertrouwen 
richting top vief en de bargen.


Twee geeltjes op hometrainer irgendwo omgeving Gap gevonden, toegedicht aan Robert Gesink


16-07-2015

P'RIES IS AL MINDER WIED WEG | Toedicht



Wekke 2 | dag 10 - 13 | de Pyreneeën

Dag 10 | 14 juli 2015 | Tarbes - La Pierre St-Martin

Mien God, ... 
 'n feestdag um nooit te vergetten.

Met disse benen kan'k heel völle
ik vulen mi-j echt goed.
En dacht ik doe moar's gek.

Van Garderen uutepierd
Harkend als vierde aover de finish.

Liepen en lachen 
ligt dicht bi-j elkare
toe'w met 'nhele trop
kekken naor Zeeman's
träöne aover de duustenis
achter óns elaoten.

Superdag vandage.
Dit zat d'r in.

Moar's zien wat de
kommende dage
gaot brengen.


Dag 11 | 15 juli 2015 | Pau - Cauterets

Bau rit Nibali d'r af
op weg naor Cauterets.
Ik leet 'm gaon
kon neet kompanen.

Nao Vroaaam Froome
Nao Quintano bun'k
de beste klimmer.

'kWas 1 maol 4e
& 4 maol top 10
in grote rondes.

De kracht van óns 
klimgeiten van 
't vlakke land.

Lange bene
Lange vezels
um te klimmen.

Lóp as 'n barg
weg umhoog.

Ónze honger blif
Nog lang neet estild.

Wi-j blieft 'n betjen hobbyen.

Dag 12 | 16 juli 2015 | Lannemezan Plateau de Beille

Best wel 'n goe'je dag.
Best wel goe'je benen.

Moar doar stao'j dan
an de vute van de klim
naor Plateau de Beille
met 'n band zonder wind
lek ereden.

in raegen en hagel
'n kleine tegenslag.

Vier zwaore beklimmingen
'n dag van de aanvalllers.

Best wel balen.
Op adrenaline wieter.
Gat dichten in eigen tempo,
1 kleine minuut verloren.

En ha, ha, ha, samen
met Bau aover de meet.

Ik bun neet ontevraeden
veur de dag van vandage.

Alles wat ik ónderweg naor
de Alpen met kan pakken
za'k zeker neet laoten liggen!

Kletsnatte verhagelde notities gevonden in Lannemezan de Beille, in een goot,
toegedicht aan Robert Gesink.


Zie ook Het is koers>