25-07-2013

'T SCHRAGGELN EN DE GRAVENS | Hans Mellendijk



't Schraggeln en de gravens 

’n Eenzamen oldejaorsaovend
’t deerntjen vaste in de stoefsnee
helemaol alene veur de tv.

En ‘n cola met ’n kick.
Hoo vervaelender de woordgrap
van Groningse kleinkunstler
des te groter de tic
in ’t d’rop volgende lange glas.

Hoo ‘t was, wat e wol, op keldertrap
de vieux kwam wal good van passe.

Dan klokslag twaalf de buurte in
't darp uut, naor Harterink.
Met kammerraode 't ni-jjaor afwinnen
aoveral hette binnen.
Dan hoogste tied. Op Diekman an.
Slakkerend glit e in de graven.
De oorlog is begonnen.
Hee heurt gedonder, geknetter.

De welt kwam e integen.
Herinnerings uut hersenpan gegraven.

Zien heufd kats niks as kadavers.
De welt was jao, vergaon,
’t leren lopen en de gravens.
Hee wet 't now mangs wal better.

Hol 'm uut de gaten.



© Hans Mellendijk in De Moespot Nr. 228, 53e jaorgang, december 2010

2 opmerkingen:

  1. Heej, is dat Smidjen an de linkerkante van de foto?

    BeantwoordenVerwijderen
  2. Smidjen uut Zöwent? Nea, Bennie uut Poggendam.
    Nòw B. Schuurman te Apeldoorn.

    BeantwoordenVerwijderen