13-07-2015

P'RIES IS NOG WIET | Toedicht




Wekke 01 | Utrecht-Plumelec | dag 01 - dag 09 | 04 juli - 12 juli 2015

De lóch van verschraald bier.
Of roek ik nów mi-jzelf
a’k onder de Dóm deur rie?

Wilco keldert van achteren
in remmend peleton.
Vief-Zes-Tweeduzend Vieftien
De Slag bi-j Hellevoetsluis.

Nao de schitterende dag van gisteren
stao’w weer met beide vute op de grónd.
Met ’n kutgevuul ’t land uut
zoas chef Nico plastisch zei.

‘n Möllenslag op weg naor Hoej.
Dan wi’j de muur wel rösteg nemmen.
Vaak bu’j dan te bang. En do’j mangs
geern moar rösteg an. Enneh, ...

Zo a’k andere joaren ok wal bang was
Dat he’k neet meer. Enneh, ...
‘kBun older en wieser eworden
met mien 29 joar.

En neet meer buten um.
Moar dwars deur ’t peleton.
Dat schaelt enorm völ kracht.
Ik durf weer ’n lul te waen.

En ik wet ’t doar maak i-j
in de klim naor baoven
gin vrienden met. Eneh, zelf eh, …
De olde Gesink was niet kwiet, ...

Ik bun natuurlek wal ’n goe’jen renner!

‘k Heb wel deur wie d’r scherp steet.
En wie ‘n slechten dag.
‘kMot zelf ok helder blieven,
op superdag blieven rieden!

Groepstiedrit is gliek an pienrieden
lieden en lijden tegeliek.
Bram ridt op zien derde bal
zien tankkracht kwiet. Neet expres.

Ten Dam schakelend, klungelend
Kelderman minder kwakkelend
wier ’n sterke schakel, kö’w in
de bargen straks goed gebruken.

‘kHad meer ehopt. Wal tied verloren.
De klok draej’t neet terug.
Wat gebeurd is, is gebeurd.
W-j gaot mangs mooi veur ‘tvuur.

‘tMag neet weer gebeuren.
‘k Stop lever de energie in dingen
dee'w wal könt veranderen.
Enneh, ... eerst moar's ’n rösten

P'ries is al minder wiet weg.
Op ’t wegdek zee’k
Bau & Ro of Mol & Gees
verschienen.

Wi-j pakt wa’w pakken könt.


Op vlucht naar Pyreneeën, in vliegtuigstoel
gevonden kladblaadje, toegedicht aan 
Robert Gesink.

Geen opmerkingen:

Een reactie posten